Zgjedhjet lokale kanë nxjerrë shumë emra për kandidat dhe një prej tyre ka qenë edhe ai i imamit, Elvis Naçi.
Mbrëmjen e sotme nga News24, Naçi i ka dhënë përgjigje pyetjes duke thënë se e ka mohuar dhe vazhdon ta mohojë edhe sot se ai mund të kandidojë për Tiranën.
“Unë kam shumë respekt për të gjithë, por nuk e kanë informacionin e duhur se kam kohë që e kam deklaruar se nuk do të merrem me politikë. Sa Zoti të më ketë dhënë jetë unë do të merrem me bamirësi. Kam korsi të tjera për të vazhduar në këtë jetë. E kam mohuar dhe e mohoj edhe sot në studio”, deklaroi Naçi.
Në fjalën e tij ai ka përmendur gjithashtu se do të vazhdojë të bëjë bamirësi, pasi këtë e shikon si rrugë të tijën.
