Një ngjarje tragjike ka ndodhur në Sarandë, ku një grua ka vrarë burrin e saj me sëpatë, ndërsa ai po flinte.
49-vjeçarja Elvira Tahiraj ka goditur 55-vjeçarin Llazar Tahiraj në kokë me sëpatë gjatë gjumit të tij. Çifti Tahiraj kishin tre vajza, dy prej të cilave të martuara. Dyshohet se Elvira Tahiraj vuan nga çrregullime të shëndetit mendor.
Ende nuk janë zbardhur shkaqet që çuan gruan në këtë akt të rëndë, por hetimet janë në vazhdim.
Sipas burimeve, pas një sherri me bashkëshortin, Elvira ka pritur që ai të flinte dhe e ka goditur me sëpatë.
Pas ngjarjes, vajza e çiftit ka gjetur trupin e pajetë të babait dhe ka përfunduar në spital pas një episode të fikjeje.
Kryeplaku i fshatit ka dhënë dëshmi në emisionin “Me Zemër të Hapur” në News24, duke konfirmuar ngjarjen dhe pasojat për familjen. Hetimet vijojnë për të zbardhur më shumë detaje mbi motivet e këtij akti të dhunshëm.
“Elvira ishte e sëmurë me epilepsi dhe nuk dilte shumë jashtë. Për lajmin më njoftoi dhëndri i çiftit, më mori në telefon në orën 08:30. Ishte vajza ajo që gjeti trupin e pajetë, pasi kishte shkuar të flinte nga e motra, gjë që e bënte sa herë shëndeti i së ëmës përkeqësohej. Ishte ajo që ka gjetur edhe babanë rreth orës 08:00- 08:30 të mëngjesit. Vajzës i ka rënë të fikët dhe e kanë çuar menjëherë në spital. Llazari ishte shumë punëtor, punonte në 2 3 punë për të rritur vajzat”, tha ai.
