Biznesmeni Elman Abule, mik i kryebashkiakut Erion Veliaj, u paraqit sot para SPAK.
Ditën e djeshme, SPAK thirri edhe bashkëshorten e tij, Marisa Nito, në kuadër të hetimeve që po zhvillohen për Veliaj. Hetimet pasurore përfshijnë edhe familjarët e kryebashkiakut.
SPAK ka realizuar më parë kontrolle në banesat e Veliajt, bashkëshortes dhe vëllait të tij, Arbër Veliaj, ku janë sekuestruar telefona dhe para.
Së fundmi, biznesmeni Abule është nën hetim, me 50 milionë euro pasuri të sekuestruara.
Hetimi që kanë përfshirë kryebashkiakun Veliaj dhe familjarët e tij është regjistruar për veprat penale të “korrupsionit pasiv dhe aktiv të funksionarëve të lartë shtetërorë, ose të zgjedhurve vendorë”, “pastrimit të parave” dhe “fshehjes së pasurisë”.
