Me mbylljen e mbledhjes të Kryesisë së PS-së, zëdhënësja e qeverisë Elisa Spiropali, në të njëtën kohë dhe ministrja e Shtetit për Marrëdhëniet me Parlamentin, në dalje për media theksoi se PS-ja nuk negocion për zgjedhjet.
“Sot mbajtëm mbledhjen e Kryesisë së Partisë Socialiste. PS-ja nuk negocion për zgjedhjet. Zgjedhjet janë më 30 qershor dhe Partia Socialiste ka vendosur të marrë pjesë si subjekt politik. Ne diskutuam sot për kandidatët më të mirë që mund të kemi për secilën bashki të vendit. Deri më 13 maj do të dalin edhe koalicionet e plota dhe kandidatët për kryetarë të bashkive. Disa parti kanë vendosur të dalin nga sistemi politik. Ne kemi diskutuar për zgjedhjet e 30 qershorit sepse jemi të vendosur të garantojmë një proces zgjedhore me shqiptarët dhe për shqiptarët. Ne nuk do shkojmë në zgjedhje pa opozitën. Ata janë disa parti politike që kanë zgjedhur të mos marrin pjesë në zgjedhje. Atë vendim e kanë marrë prej frikës. Ne mendojmë se shqiptarët duhet të kenë zgjedhje. Ne nuk jemi këtu për të negociuar. Ne jemi një forcë politike që i përgjigjemi kërkesës për t’u zgjedhur. Ne nuk do marrim pjesë në luftë por në zgjedhje.” – shtoi ajo.
E pyetur se çfarë mendon për faktin se opozita ka braktisur zgjedhjet, Elisa Spiropali tha se në fakt janë disa subjekte që nuk marrin pjesë në zgjedhje.
“Janë shumë subjekte politike që kanë hyrë në garë me ne. Janë 42 parti të tjera të regjistruara. Ata që kanë braktisur zgjedhjet nuk janë opozita e vendit, por disa parti që kanë vendosur të mos hyjnë në zgjedhje. PD-ja , LSI-a dhe parti të tjera, për turp të tyre nuk hyjnë në zgjedhje duke lënë mbështetësit e vet rrugëve,” – deklaroi Spiropali.
