ELBASAN– Makina e shefit të policisë në paraburgimin e Bradasheshit, Krenar Kasi, është përfshirë nga flakët.
Makina ka qenë e parkuar pranë ish-gjykatës, 100 metra nga drejtoria e policisë së Elbasanit.
Report Tv sjell pamjet e makinës tip ‘Benz ML’ me targë AA 131 IX, që u dogj.
Ende nuk dihen shhkaqet e ngjarjes, por nga të dhënat e para dyshohet se djegia e makinës ka lidhje me detyrën e Kasit.
Megjithatë, bëhet me dije se ai nuk ka pasur probleme apo konflikte.
Krenar Kasi disa vite më parë ka qenë shefi i sektorit të narkotikëve në drejtorinë e policisë së Elbasanit, më pas shef i policisë në burgun e Peqinit dhe së fundmi, shef i policisë në paraburgimin e Bradasheshit në Elbasan.
Ndërkohë, policia ka nisur hetimet për ngjarjen e sotme, ndërsa ka marrë edhe pamjet e kamerave të sigurisë së bizneseve ku ka qenë parkuar makina.
