Ditën e djeshme, Dan Hutra tronditi kryeqytetin, pasi ekzekutoi me gjakftohtësi 3 gra. Ndërkohë që gazetarja investigative Klodiana Lala ka zbardhur detaje nga operacioni i arrestimit të Hutrës. Lala u shpreh për “News 24” se policia u njoftua për vendndodhjen e autorit nga një punonjës i landfillit të Sharrës. Po ashtu gazetrja kujdeset që mos të publikojë emra pasi sipas saj, nuk dëshiron që t’i shkatërrojë jetën atij personi, sepse kjo do të ishte e rrezikshme. Autori i vrasjes së tre grave dhe plagosjes së tre të tjerave mund të ketë persona jashtë që mund të hakmerren ndaj tij.
“Policinë e ka sinjalizuar një qytetar për vendndodhjen e Dan Hutrës. Emri i tij mbahet pa dyshim sekret sepse për shkak të informacionit të dhënë është i rrezikuar.
Hutra është arrestuar në landfillin e Sharrës, aty ka punonjës të pastrimit dhe një person nga aty ka njoftuar. Nuk dua të shkatërroj jetën e njeriu duke publikuar emrin sepse Hutra mund të ketë persona të tjerë jashtë të cilët mund të hakmerren”, theksoi ajo.
Kujtojmë që pasi plagosi të dashurën, ai mësyu në banesën e ish-gruas, ku vrau moteën e saj dhe kunatën dhe plagosi atë dhe nënën e saj. Fill pas kësaj ngjarje, Hutra shkoi në banesën e armikut të tij që e kishte njohur në burg, Vladimir Kurti, ku qëlloi me automatik drejt motrës së tij, Etleva Kurti, duke e lënë të vrarë në vend. Pas 6 orësh në arrati, ai u arrestua në landfillin e Sharrës.
