HAGË
Salim Ayyash, anëtar i Hezbollah i akuzuari kryesor për vrasjen e ish-kryeministrit të Libanit Refik Hariri është shpallur fajtor nga gjykata speciale e OKB-së për Libanin.
Tre prej të pandehurve të tjerë nuk janë dënuar, pasi gjykata nuk gjeti prova që të jenë implikuar në krim. Katër të pandehurit nuk ishin në gjyqin special, pasi vendndodhja e tyre nuk dihet, shkruajnë mediat e huaja.
Sipas vendimit të gjykatës, Ayyash u përfshi në atentatin e 14 shkurtit të vitit 2005, kur shpërthimi i një kamioni me bombë në qendrën e Beirutit vrau ish kryeministrin Hariri dhe 21 persona të tjerë, ndërsa u plagosen 200 persona.
Për këtë atentat të një niveli të lartë politik, u fajësua Hezbollahu, që kishte mbështetje nga qeveria e Iranit. Vrasja e ish-kryeministrit shpejtoi krizën në vendin e vogël të Libanit.
Vendimi për të dënuar Ayaash mund të rrisë tensionet në Libanin, tashmë të trazuar edhe më shumë nga shpërthimi i ndodhur në Portin e Bejrutit.
