Ergys Dashi është 34 vjeçari shqiptar i cili u ekzekutua mbrëmjen e djeshme brenda një restoranti në veri të Guayaquil në Ecuador. Sipas policisë ekuadorian, 34 vjeçari dyshohet se ishte i përfshirë në trafikun e drogës. Ngjarja e rëndë raportohet të ketë ndodhur në kryqëzimin që ndan rrugët Avenue José Joaquín Orrantia, e Mall del Sol, në veri të Guayaquil të Ekudorit. Ndërkohë për ngjarjen e rëndë ku mbeti i vdekur në vend i riu nga Durrësi, kanë folur disa dëshmitarë.
Një dëshmitar në Twitter shkruan:
Dy autorët hipën mbi motor dhe u larguan me shpejtësi marramendëse. Lokali u boshatis menjëherë pas të shtënave, pasi vranë shqiptarin, ata qëlluan dhe disa herë majtas e djathtas si për të trembur të pranishmit. Nuk do e harroj kurrë momentin e vrasjes.
Personi shkruan se atentatori dhe një person tjetër të hipur në motor u larguan me shpejtësi pas krimit dhe kanë shtirë sërish me armë zjarri duke detyruar shumë familjarë të largohen me shpejtësi.
Gjithashtu Mediat ekuadoriane shtojnë se Dashi ishte i ulur në një bar kafe, kur rreth orës 19:00, atentatorët e pikasën. Të dy u futën brenda lokalit duke iu shmangur edhe stafit që u kërkoi certifikatën e vaksinimit. Njëri mbante një buqetë me lule në duar (me siguri për të shmangur identifikimin nga kamerat) ndërsa tjetri nxorri armën dhe qëlloi me breshëri drejt 34-vjeçarit shqiptar duke e lënë të vdekur.
