Gazetarja Klodiana Lala ka reaguar në lidhje me ngjarjen e rëndë që u regjistrua ditën e sotme në Ishull Lezhë, ku u vra me armë zjarri efektivi i policisë. Lala ka reaguar me tone të ashpra në lidhje me ngjarjen e rëndë ku një efektiv policie u vra në krye të detyrës dhe është shprehur se si qytetare ndihet e tronditur për ngjarjen e rëndë.
“Si qytetare ndihem e tronditur. Një punonjës policie, baba i dy fëmijëve, vritet në krye të detyrës. Jam e tronditur sesi një efektiv policie nxirret në një operacion lihet në mëshirën e fatit.”-tha Klodiana Lala.
Lala ka kritikuar ashpër kreun e Policisë së Shtetit, Ardi Veliun, për të cilin ka thënë se duhet të linte detyrën dhe të ikte në shtëpi pas kësaj ngjarje të rëndë që ndodhi sot. Lala vazhdoi më tej duke thënë se fakti që sot është vrarë një punonjës në krye të detyrës, tregon që Ardi Veliu nuk e ka bërë si duhet detyrën e tij. Po ashtu e ka quajtur të turpshëm reagimin e ministrit të Brendshëm.
“Reagimi i ministrit të Brendshëm, ishte i turpshëm. Do kishte qenë më mirë të heshte. Edhe drejtori i Policisë së Shtetit, Ardi Veliu sot duhet të lërë detyrën e të ikë në shtëpi. Ke një punonjës policie të vrarë në krye të detyrës. Kjo do të thotë se nuk e kë bërë detyrën tende. Nuk e mbrojte një punonjës policie. Janë tallur me punonjësit e thjeshtë të policisë, i kanë nxjerrë në rrugë në mëshirë të fatit.”-deklaroi Klodiana Lala.
