Mbrëmjen e djeshme në aksin rrugor Tiranë-Durrës ka ndodhur një atentat me shënjestër 37-vjeçarin Iljaz Çali. Viktima ecte me automjetin e tij ‘Land Rover’, kur u qëllua me breshëri armësh.
Mësohet se Cali ishte duke udhëtuar i vetëm, në momentin kur persona të armatosur hapën zjarr drejt makinës së tij nga një tjetër mjet në lëvizje.
Ndërkohë që në xhamin e parë të makinës me të cilën ai po udhëtonte janë gjetur 4 plumbave, ndërkohë ka edhe shumë të tjera në pjesën e djathtë. Ishin familjarët e viktimës të cilët kanë identifikuar të riun ndërsa policia ka nisur hetimet për krimin. Shkaqet dhe rrethanat vrasjes janë ende të pa konfirmuara nga autoritetet ndërsa autorët dyshohet se janë larguar drejt Lezhës.
Çali rezulton aksioner në kompaninë ‘Çali Metal SHPK’, me objekt shfrytëzimin dhe përpunimin e mineralit të kromit, që tashmë është kthyer në pistën kryesore të hetimit nga policia.
Ndërkohë, Iliaz Çali nuk rezulton një emër i panjohur për policinë. Më dy korrik të 2016-ës, pas grabitjes së parë të parave në Aeroportin e Rinasit, policia ka ushtruar kontroll në të gjitha banesat. Teksa ka kontrolluar banesën e Çalit, ka gjetur 682 rrënjë kanabis. Policia për këtë rast vuri në pranga asokohe nënën e viktimës, Xhemile Calin, ndërsa 37-vjeçari u arrestua pak më vonë.
