Policia ende nuk ka prangosur autorin e dyshuar kur kanë kaluar tre ditë nga ngjarja e rëndë në Laprakë ku humbi jetën 17 vjeçarja Griselda Gjikola.
Kërkimet vijojnë në Tiranë dhe në zonat përreth saj ku dyshohet se fshihet i riu. Ndërkohë 19 vjeçari tjetër Ronald Muzhaqi që ka ndihmuar autorin të largohet do të dalë të dielen para gjykatës për tu vlerësuar me masën e sigurisë.
Prokuroria ka paraqitur kërkesën për masë ku do të kërkojë për të riun arrest me burg.
Ndërkohë pavarësisht kërkimeve të policisë ende nuk është bërë i mundur arrestimi i ekzekutorit. Burime nga policia konfirmuan së gjatë natës së të premtes janë bërë kontrolle në disa ambiente, ku kishte informacion se fshihej i riu, po pa mundur të kryejnë arrestimin e tij.
Policia dyshon se 19 vjeçari fshihet në Tirane dhe kërkimet për të vazhdojnë. I vetmi që është arrestuar për ngjarjen është Ronald Muzhaqi , i cili dyshohet se është personi që ka ndihmuar autorin të largohet nga vendin i ngjarjes. Autori i krimit dhe Muzhaqi janë fiksuar nga kamerat e sigurisë duke u larguar sëbashku nga vendi i ngjarjes.
Policia ka marrë në pyetje disa persona të cilët kanë qenë brenda në makinën kur humbi jetën 17 vjeçarja. Ata kanë treguar se autori ka qëlluar nga pas dhe fillimisht ka marrë një plumb në kokë Griselda Gjikola, e cila ka humbur jetën menjëhere.
