Mëngjesin e ditës së djeshme u regjistrua një atentat me armë zjarri në qytetin e Shkodrës, teksa bëjnë me dije se viktimë mbeti shtetasi Nazmi Bandulla i cili është qëlluar për vdekje në lagjen “Rus” të Shkodrës. Autorët e vrasjes së 55-vjeçarit Nazmi Bandullas, dyshohet se është kryer nga vrasës me pagesë.
Hetuesit kanë dalë në këtë përfundim nisur nga mënyra se si është ekzekutuar Bandulla. Burime nga grupi hetimor, bëjnë me dije se në vendin e ngjarjes janë gjetur shumë pak prova që mund të ndihmojnë në identifikimin e autorëve. Pas ngjarjes, policia e Shkodrës ka shoqëruar mbi 20 persona të cilët janë marrë në pyetje lidhur me ngjarjen.
Sipas burimeve dëshmitë e administruara deri më tani nuk kanë dhënë asnjë ndihmesë për identifikimin e autorëve. 5 nga personat e pyetur janë dëshmitarë okular. Përpara grupit hetimor ata janë shprehur se nuk kanë mundur të identifikojnë ekzekutuesit, përveç faktit që autorët udhëtonin me një automjet tip “BENZ”, me xhama të zinj. Gjithashtu hetuesit kanë pyetur edhe familjarë të viktimës, por edhe këta nuk kanë dhënë asnjë ndihmesë për hetimin. Pista kryesore ku janë përqendruar hetimet janë larja e hesapeve, dhe përfshirja e viktimës në grupet kriminale janë, që po hetohen nga grupi hetimor.
Kujtojmë që Bandulla nuk ishte një emër i panjohur për policinë e shtetit, pasi në vitin 2020, viktimës i shpërtheu me tritol automjeti i tij i parkuar në oborrin e shtëpisë. Por theksojmë se vetëm 3 muaj më parë se ti vendosej tritoli, ai u arrestua në flagrancë pasi, pak paras mesnatës së shtatorit të vitit 2020 pasi ka kërcënuar me armë zjarri pistoletë, pas një konflikti për motive pronësie, vëllanë e tij shtetsin A. Bandulla. i cili banon në të njëjtën ndërtesë me autorin.
Bandulla kërcënoi me armë zjarri tip pistoletë, pas një konflikti për motive pronësie, vëllanë e tij.
