Prokuroria e Posaçme ka publikuar strategjinë për hetimin dhe parandalimin e krimit zgjedhor për zgjedhjet e 11 majit.
Eksperti i IT-së, Tomi Kallanxha, gjatë intervistës në ‘Kafe Shqeto’ theksoi se ata kanë kërkuar disa herë nga qeveria që të instalohet një kontroll mbi mediat dixhitale brenda Agjencisë së Mediave dhe Komunikimeve.
‘Ne e kemi kërkuar disa herë që kur ndodhi vrasja e asaj zonjës, që brenda AMA-s duhet të ketë një kontroll të mediave dixhitale.
Çështja është se në rastin konkret në Tiranë ka ardhur dy herë drejtori i marrëdhënieve me government në Tik-Tok dhe ne nuk e dimë se për çfarë kanë diskutuar, qoftë me ministrinë e brenshme apo me AMA-n për të kontrolluar rrjetet sociale.
Kjo është ajo gjëja që ndoshta duhet një watchdog i jashtëm për të kontrolluar ca është kjo marrëdhënie.
Përderisa Tik-Tok në rastin konkret ka një hapësirë që quhet government relation dhe aty kanë një account të gjitha shtetet, këtë nuk e dimë se çfarë ndodh aty brenda apo se si kontrollohen linjat ca hashtaget mund të bllokohen.
Këtë gjë ne nuk e dimë sepse asnjëherë nuk na është treguar se çfarë është diskutuar me këta individë që kanë ardhur dhe cfarë kushtesh i kanë dhënë qeverisë për ta menaxhuar.
E njëjta gjë ndodh edhe me platformën Meta. Ne nuk e dimë se çfarë komunikimi ka kjo platformë me qeverinë, që duhet ta ketë ndoshta me autoritetet e tjera të drejtësisë’, u shpreh Kallanxha.
