Emri i tij u përfol kur u tha se pas largimit të Ledion Liços, do të prezantonte krah Dojna Memës në spektaklin “The Voice”.
Rolin drejtues që në sezonin e kaluar që e kishte Dojna, këtë vit e mori Flori Gjini. Moderatori i njohur u bë pjesë e “Top Channel” dhe përfshirja e tij në këtë televizion vijoi edhe më tej.
Florit iu besua edhe një rubrikë në “E diell”, ai i V – Reporter. Por tashmë moderatori Flori Gjini nuk do të jetë pjesë e programit, pasi burime për “iconstyle.al” konfirmojnë se ai është larguar nga “E Diell”.
Ka qenë “Iconstyle.al” që ka siguruar edhe një screenshot të bisedave që bënin moderatorët dhe gazetarët e “E Diell”, ku Flori duket se ka lënë grupin.
Nuk e dimë nëse Flori ka ndonjë plan për të lëvizur në në tjetër program apo televizion, gjithsesi ai vijon të shkruajë në bio-n e Instagramit se po punon me emisionin “Pushime on top” dhe atë në “Club-in e Mëngjesit”.
