Pandemia e koronavirusit pritet të shkaktojë një shok ekonomik për lindjen e largët dhe Paqësorin.
Alarmi është dhënë nga përfaqësuesja e Bankës Botërore për këtë rajon, Aaditya Mattoo.
Ajo ka marrë si shembull Kinën, duke thënë se skenari më i keq do të ishte një rënie e rritjes ekonomike në nivelin 2.3% nga 6.1% që ishte në 2019-ën.
Matto shton se vendet e origjinës së virusit mund të shpëtojnë nga recensioni, por rritja ekonomike do të ngadalësohet.
Në raport thuhet se vendet e lindjes dhe Paqësorit, përfshi dhe Kinën, do të përballen me një ngadalësim me 1.3 % të rritjes ekonomike dhe në skenarin më të keq 2.8%.
“Ekonomia e rajonit është e dëmtuar rëndë nga pandemia, por kohëzgjatja dhe dëmi i shkaktuar nga koronavirusi janë ende të paqarta”, vijon më tej raporti.
Më shumë nga kriza ekonomike do të preken vendet, të cilët kanë si sektorë më të fortë, tregtinë dhe turizmin.
Gjithashtu në raport thuhet se 11 milion persona do të preken nga varfëria dhe do ta kenë shumë të vështirë ta marrin veten.
Aktualisht në rang global, nga COVID-19 janë prekur rreth 787 mijë persona, ndërsa numërohen 37.843 të vdekur dhe 165.933 të shëruar.
