Albert Krasniqi është i riu që u vra sot nga babai i tij në Prishtinë. Ngjarja e rëndë ka tronditur kryeqytetin, ndërkohë që mediat vendase raportojnë se ngjarja e rëndë ka ndodhur pas konflikteve të vazhdueshme familjare. Ndërkohë mësohet se vetë babi i Albert Krasniqit e njoftoi policinë pasi zbrazi karikatorin mbi djalin e tij duke i marrë jetën këtij të fundit.
“Ejani se kam vrarë djali!”
Paraprakisht policia ka njoftuar se ka arrestuar autorin si dhe ka sekuestruar armën e krimit, megjithatë ende nuk ka një deklaratë zyrtare.
“Menjëherë pas marrjes së informatës policia ka dale në vendin e ngjarjes dhe po ndërmerr të gjitha veprimet e nevojshme qe konsistojnë në hetimin e rrethanave qe karakterizojne ngjarjen.
Aktualisht jemi në fazën fillestare të ndërmarrjes së veprimeve hetimore dhe atyre të ekzaminimit të vendngjarjes në funksion të zbardhjes së plotë të këtij rasti”, konfirmon policia.
Por Albert Krasniqi nuk është emër i panjohur. Pesë vite më parë ai plagosi në mes të Prishtinës pas një sherri reperin e njohur Noizy. Gjithçka ndodhi më datë 13 shtator 2016 ndërsa dy vite më vonë dyshja edhe pse ishin pajtuar, gjykata i dënoi.
Sakaq, mediat në Kosovë, raportojnë se Albert Krasniqi ishte i martuar me ish-missin e Kosovës Besa Gashi, ndërsa së fundmi ata i dhanë fund martesës së tyre, pasi kishin pasur kriza edhe në të kaluarën.
