Efektivë të Policisë së Shetit bëhen përsëri objekt i denoncimeve me video në rjetet sociale, teksa dhunojnë të rinj apo persona të prangosur që nuk mund t’i të mbrohen.
Një efektiv i forcave të Rendit ka goditur me grushte fytyrës një person që është vënë në pranga. Në videon e publikuar nga faqja e njohur në rrjetet sociale “Jeta osh qef”, shihet se si janë arrestuar dy persona, por pavarësisht kësaj, efektivët i dhunojnë.
Njëri prej tyre, i veshur me uniformën e Rendit, i sulet të prangosurit me grushte fytyrës, ndërkohë që një tjetër efektiv e mban nga krahët, në momentin që ai tenton të largohet.
Nuk dihet cili është shkaku i shoqërimit të të riut dhe kur është regjistruar video, por dhuna e policit të patrullës është e papranusheme, ndaj një të riu në pamundësi për t’u mbrojtur dhe i prangosur nga kolegët e Shqiponjave. Një nga këta të fundit, mundohet të largojë të riun nga grushtet.
Vetëm pak metra larg, në derën e makinës së Policisë, ndodhet i arrestuari tjetër, i cili ngre zërin në momentin që i godasin shokun.
