Siguria e burgjeve në vendin tonë jo pak herë është vendosur në diskutim, por mesa duket këtë herë është arritur që të parandalohet kalimi i disa telefonave brenda qelive.
Efektivët e burgut të Fierit kanë deklaruar se kanë kapur plotë 20 telefona të markave të fundit që po tentoheshin të futeshin brenda ambienteve ku qëndrojnë të dënuarit.
Sipas informacioneve, bëhet me dije se, celularët ishin fshehur brenda shtyllave të portave të mini-futbollit.
Ndërkohë në lidhje me këtë ngjarje Drejtoria e Përgjithshme e Burgjeve ka njoftuar nisjen e hetimeve.
Një rast tjetër i ndodhur së fundmi ka qenë në burgun e Kavajës, ku dyshohet se sanitari ka futur brenda ambientit të burgut lëndë narkotike.
