Prej ditësh tashmë temë bisede është bërë gazi lotsjellës i përdorur nga policia në të dy protestat e opozitës, i cili sipas të pranishmëve ka qenë helm.
Mirëpo efektet e gazit të përdorur nga forcat e rendit kanë qenë të rënda dhe mjeku pneumolog, Ardian Jorgji, në “Kjo Javë” është shprehur kundër përdorimit të tij, por njëkohësisht ka dhënë edhe këshilla për mënyrat si mund të mbrohemi prej tij.
“Veshjet e pambukut, janë më të mira kundrejt veshjeve sintetike. Femrat e kuruara (me grim) iu bën keq gazi lotsjellës se thithet më shumë në lëkurë, se sa në lëkurë të pastër. Për njerëzit me lente të mos shkojnë me lente. Të kenë atë që quhet lot artificial ndihmon te pjesa e syve për të përballuar inflamacionin e fortë që jep. Shamitë e lagura, duhet të ndërrohen menjëherë dhe jo të përdoren dy herë. Protestuesit përdorin që nga uthulla, limoni, sepse janë antioksidantë, deri te maloksi, shishe me ujë me maloks për t’u pirë kur ka efekte anësore, jo gjithmonë këto masa arrijnë të neutralizojnë efektet anësore, sepse varet nga shumë faktorë”, është shprehur mjeku.
Megjithatë duke marrë parasysh se ishte përpjekje për t’u futur brenda një institucioni shtetëror, edhe policia duhet të përdorte disa metoda për të mbajtur turmën jashtë territorit, se pari të kryeministrisë dhe më vonë të parlamentit.
