Edi Rama ka njoftuar mbrëmjen e sotme mbërritjen e dozave të para të vaksinës nga kontrata me kompaninë Pfizer. Në një konferencë me gazetarët ai ka bërë të ditur se sot kanë mbërritur 1 mijë e 170 dozat e para. I pyetur nga një gazetare për respektimin apo shtimin e masave anti-COVID, Rama nuk ka humbur rastin të komentojë edhe shkeljen e rregullave nga miku i tij Ermal Mamaqi.
“Kam shumë respekt për Ermal Mamaqin se e kam mik, por nuk mund të japë një shembull të tillë. Ka marrë gjobën që meriton. Ka shklllur rregullat, është e pafalshme.”, ka thënë Rama.
Ndërkohë, ai ka komentuar edhe kërkesën e studentëve për rikthim në auditore duke thënë se i kupton shumë mirë. Ai është shprehur se Komiteti po shikon mundësinë për të mbajtur në auditore ato provime që nuk mund të mbahen online.
“I kuptojmë shumë mirë studentët që duan të rikthehen në auditore. Po e shikon Komiteti me kërkesë për të pasur më shumë fleksibilitet për t’u kthyer për ato provime që nuk mund të bëhen online”., u shpreh Rama.
Ditën e sotme Rektorati i Universitetit të Tiranës mori vendimin për zhvillimin online të provimeve të sezonit të parë. Në vendimin e firmosur nga rektori Artan Hoxha thuhet se nëse është e pamundur që disa provime të mbahen online, atom und të mbahen në auditor Brenda muajit qershor.
