Ish-kryeministri Sali Berisha ka qenë i ftuar mbrëmjen e sotme në Opinion.
Ndër të tjera Berisha është provokuar nga paneli lidhur me një marrëveshje të mundshme mes Bashë dhe Ramës.
I pyetur nga Xhokaxhiu nëse ka ndonjë marrëveshje mes mazhorancës dhe opozitës Berisha e mohoi diçka të tillë.
Mirëpo, Vangjeli e vijoi më tej duke e pyetur nëse ai kishte dijeni se Rama e Basha janë takuar në një vend fqinj, pas shpinës së tij.
Sali Berisha e quajti këtë një lajm të pavërtetë dhe e cilësoi si taktikë që i bën Rama kur është në vështirësi.
Pjesë nga biseda:
Juli Xhokaxhi: A është bërë një marrëveshje “underground” me maxhorancën?
Sali Berisha: Ju garantoj që jo, në vlerësimin tim nuk ka.
Lorenc Vangjeli: A keni dijeni që Basha dhe Rama janë takuar në janar në një vend mik, apo pas shpinës tuaj?
Sali Berisha: Lorenc ti bie viktimë e zyrës Fuga. Si mundet? Ti mund ta mashtrosh po ai ty?
Lorenc Vangjeli: Po sikur nesër ta shikoni në një foto zotin Basha duke buzëqeshur pas Ramës? Supozojmë thashë ëëë. Dy njerëz në këtë dynja kanë tentuar që të ngjallin të vdekurin, Jezu Krishti dhe ti me opozitën që vrau veten.
Sali Berisha: Asnjë takim të fshetë me Edi Ramën nuk ka patur dhe nuk ka. Është taktikë e tij. Është taktikë e tij që sa herë është në vështirësi që hap lajme se jam taku me këtë, kam negociu me këtë.
Kujtojmë se një lajm i tillë doli pas uljes së opozitës dhe mazhorancës në tryezë për Reformën Zgjedhore.
As Edi Rama, as Lulzim Basha nuk kanë folur rreth këtij lajmi.
