Ashtu si në gjithë botën edhe në Kinë po shfaqen raste të reja me koronavirus.
Së fundmi në rajonin Xinjiang, në perëndim të Kinës, u raportuan 118 raste të reja pozitive me Covid-19.
Mes tyre, dy pacientë kanë treguar simptoma ndërsa 116 janë asimptomatikë. Kina nuk i përfshin bartësit asimptomatikë të virusit në numrin zyrtar të rasteve të konfirmuara.
Rastet e reja u raportuan në qarkun Shufu të rajonit Kashgar, ku një shpërthim i ri rastesh u shfaq në fund të muajit të kaluar.
Për të ndaluar përhapjen e mëtejshme të pandemisë, Xinjiang do të nisë një raund të ri testimi masiv në qarkun Shufu.
Ndërkohë kujtojme se në fund të tetorit, rajoni i Kashgarit testoi 4.7 milionë banorët e saj, pasi u raportua një rast i vetëm asimptomatik.
