Jemi në muajin nëntor dhe tani pritet që të rikthehen ndeshjet e Ligës së Kombeve.
Më 11 nëntor Kombëtarja jonë luan përballë Kosovës në një ndeshje miqësore e cila pritet të jetë e vështirë për dy ekipet pasi munegesat e lojtarëve nga dëmtimet fizike apo kufizimet për shkak të masave kufizuese të Covid-19 janë të shumta për dy palët.
Së fundmi është njoftuar se Kombëtares së Kosovës do t’i mungojë Milot Rashica, pasi ekipi gjerman Werder Bremen me të cilin luan nuk e ka lejuar të grumbulloht për këto ndeshje të rëndësishme. Kjo pasi autoritetet në Bremen detyrojnë karantinim në kthim dhe lojtarët do duhej të humbnin ndeshje në Bundesliga me klubin, në rast se grumbullohen me kombëtaret.
Ky veprim i Werder Bremen nuk thyen rregullat e FIFA-s sepse protokolli parashikon se klubi mund ta ndalojë lojtarin të bashkohet nëse duhet detyrimisht të karantinohet të paktën pesë ditë.Ndërkohë kujtojmë se Rashica nuk është grumbulluar me Kosovën as në ndeshjet e muajit shtator për shkak të dëmtimit që pësoi në ndeshjen përballë Moldavisë.
