Edhe deputetja Rudina Hajdari, drejt krijimit të një partie të re. Ajo ka përshëndetur qytetarët me një foto nga zyrat e reja, ku, siç shkruan ajo, po punohet pa pushim për t’i dhënë fund klasës së vjetër politike.
“Ju përshëndes nga zyrat e reja, ku së bashku me skuadrën po punojmë pa pushim për t’i dhënë jetë projektit të ri politik i cili do e sfidojë gjithë klasën aktuale politike.
Mos rri mënjanë por eja dhe përfshihu, nëse beson se koha e Shqipërisë të sunduar nga 3-4 familje politike duhet të marrë fund e të nisë një epokë ku shteti i përket qytetarit, e drejta triumfon, njerëzit e ndershëm, profesionistë dhe punëtorë respektohen dhe institucionet funksionojnë”, shkruan Hajdari.
“Regjistrohu te rudinahajdari.al dhe organizojmë një takim. Më shkruaj”, shton Hajdari duke iu bërë ftesë qytetarëve të afrohen me lëvizjen e saj politike.
Para disa javësh Hajdari pati një afrim me Lëvizjen “Thurje”, por më pas pati mosmarrëveshje mes tyre. Para zgjedhjeve, do të ketë disa parti të reja të djathta që reflektojnë pakënaqësinë ndaj lidershipit të Bashës.
/GazetaReforma.com/
