Ka shkuar në pesë numri i personave që kanë mbetur të plagosur si pasojë e të shtënave me armë në një local në pedonalen e Lushnjes mbrëmjen e sotme. Policia bën me dije se të plagosur kanë mbetur gjithashtu edhe shtetaset E. S., 26 vjeç dhe M. Gj., 66 vjeçe, të cilat janë jashtë rrezikut për jetën.
Më herët policia njoftoi se të plagosur kishin mbetur tre persona të cilët u dërguan në spital dhe janë nën kujdesin e mjekëve, ndërkohë i vrarë mbeti 40-vjeçari Bledar Muçaj, pronari i lokalit në drejtim të të cilit u qëllua me breshëri plumbash.
Ndërkohë, në fshatin Thanasaj është gjetur i djegur një automjet që dyshohet se i përket autorëve. Policia është duke vijuar punën për identifikimin dhe kapjen e autorëve të ngjarjes dhe ka ngritur pika kontrolli në hryje dhe në dalje të qytetit.
Njoftimi i plotë:
“Në vijim të informacionit paraprak të dhënë për ngjarjen në pedonalen e qytetit Lushnje, të plagosur jashtë rrezikut për jetën janë edhe shtetaset E. S., 26 vjeç dhe M. Gj., 66 vjeçe.
Në fshatin Thanasaj, Lushnje, është gjetur i djegur një automjet i cili dyshohet se është i autorëve. Vijon puna intensive për identifikimin dhe kapjen e autorëve të ngjarjes”
