Britania e Madhe po ndjek të njëjtën taktikë si SHBA duke shpallur “non grata” disa persona që lidhen me me krimin dhe korrupsionin. Ndërkohë që ka ardhur një reagim nga ambasadorja amerikane në Tiranë, Yuri Kim, ku shprehet se askush nuk është mbi ligjin. Ambasadorja theksoi se ky vendim është i mirëpritur teksa deklaroi se të gjithë ata që janë përfshirë në korrupsion duhet të përballen me drejtësinë.
“Ne e mirëpresim këtë veprim të rëndësishëm. Ata që kanë abuzuar me besimin e publikut për të pasuruar veten dhe për të shtrembëruar sundimin e ligjit – me fjalë të tjera, ata që janë përfshirë në korrupsion të madh dhe minuar demokracinë – duhet të përballen me drejtësinë. Askush nuk është mbi ligjin”, shkruan ambasadorja Yuri Kim në postimin e saj në “Twiter’.
Sir Stuart Peach, i Dërguari i Posaçëm i Kryeministrit britanik në Ballkanin Perëndimor njoftoi vendimin e qeverisë britanike:
“Ne si Mbretëri e Bashkuar po intensifikojmë përpjekjet tona për t’i shkëputur lidhjet mes politikës, biznesit dhe aktiviteteve të paligjshme si në botë, ashtu edhe në Ballkanin Perëndimor. Mbështetur mbi regjimin tonë të Sanksioneve Globale Antikorrupsion ne kemi listuar 27 individë të përfshirë në korrupsion serioz në mbarë botën”. Pa përmendur se cilat janë emrat shqiptarë të sanksionuar, por duke cilësuar se disa personazhe publike mbështeten nga kriminelët, Peach shton:
“Këtë javë, ne ndërmorën veprime ndaluese kundër disa individëve shqiptarë në lidhje me krimin dhe korrupsionin, të publikuara gjerësisht dhe të dokumentuara. Kjo është vala e parë e një serie veprimesh për të inkurajuar
