Mbrëmjen e sotme Sulmuesi portugez Cristiano Ronaldo njofton se ka humbur një nga binjakët që priste të sillte në jetë partnerja e tij Georgina Rodriguez. Në një postim në Instagram, Ronaldo shkruan se nga binjakët ka arritur të mbijetojë vetëm vajza, e cila u ka dhënë forcë çiftit për të vazhduar jetën përpara. Ylli i futbollit shkruan se janë të shkatërruar nga kjo humbje dhe kërkojnë privatësi për të kaluar këtë periudhë të vështirë.
Në postimin e bërë në rrjetet sociale, ylli i njohur i futbollit botëror falënderon të gjithë mjekët dhe infermierët për kujdesin dhe mbështetjen e dhënë gjatë gjithë kësaj kohe.
“Me pikëllimin më të thellë njoftojmë vdekjen e foshnjës sonë.
Është dhimbja më e madhe që çdo prind mund të ndjejë. Vetëm lindja e vajzës sonë na jep forcën për ta jetuar këtë moment me pak shpresë dhe lumturi.
Ne dëshirojmë të falënderojmë mjekët dhe infermierët për të gjithë kujdesin dhe mbështetjen e ofruar.
Ne jemi të shkatërruar dhe kërkojmë privatësi në këtë kohë shumë të vështirë.
Djali ynë, ti je engjëlli ynë. Ne do të të duam përgjithmonë,“- shkruan Ronaldo.
Duke iu përgjigjur njoftimit të Ronaldos, Manchester United tha: “Dhimbja jote është dhimbja jonë, “Të dërgojmë dashuri dhe forcë për ty dhe familjen në këtë kohë”.
