Një ngjarje e trishtë është shënuar sot nga Coronavirus në ugjencën infektive në Tiranë.
Burrë e grua, të dy të moshuar, kanë ndërruar jetë mëngjesin e sotëm. Lajmi është bërë i ditur nga ish-modernatorja e Top Channel, Albana Osmani.
Çifti, emrat e të cilëve nuk janë bërë të ditur nga moderatorja, në të shkuarën janë bërë pjesë e nismës “Ti je një luledielli”, e themeluar nga vetë Osmani.
“Ata ndërruan jetë të dy në të njëjtën ditë. Njëri në QSUT dhe tjetri tek Shefqet Ndroqi. Ata ishin thjesht, dy ëngjëj. U prehshi në paqe. Kaq shumë u deshën në tokë sa dhe në qiell shkuan në të njëjtën ditë”,-shkruan Osmani bashkëngjitur fotos ku çifti, burrë e grua pozojnë duke qeshur.
Kujtojmë se shifrat e infektimeve në ditët e fundit kanë shënuar rekorde me mbi 1000 mijë të prekur dhe me dhjetra vdekje.
Sjellja e virusit ka ndryshuar, pasi u ka marrë jetën jo vetëm të moshuarve por dhe të rinjve. Kujtojmë rastin e 28 vjeçares dje nga Korça nënë e tre fëmijeve, e cila ndërroi jetë pas dy ditësh në intubim. Një rast tjetër i shënuar dy ditët e fundit, është dhe 35 vjeçari nga Vlora, që humbi jetën po nga kovidi.
