Njerëzit që mbajnë syze janë më të mbrojtur nga Covid.Ky është përfundimi i një studimi të kryer në Indi. Sipas “Sunday Telegraph” shkencëtarët indianë studiuan 304 njerëz të moshës midis 10 dhe 80 vjeç të cilët raportuan simptoma të virusit dhe u pyetën për shikimin.
19% e tyre thanë se kishin syze shumicën e kohës duke çuar në zbulime që sugjerojnë se ata që mbajnë syze për tetë orë në ditë kanë më pak të ngjarë të infektohen, shkruan. Studimi tregoi se rreziku i Covid-19 është rreth dy deri në tre herë më i ulët në popullatat që mbajnë syze, krahasuar me ata që nuk mbajnë.
“Një individ ka zakon të prekë fytyrën mesatarisht 23 herë në orë dhe sytë mesatarisht tre herë në orë. “Përdorimi afatgjatë i syzeve mund të parandalojë prekjen dhe fërkimin e përsëritur të syve.”, thuhet në studim.
Ekipi i studiuesve beson se kjo është për shkak se receptorët ACE-2 pas së cilës virusi kapet për të hyrë dhe infektuar qelizat njerëzore mund të gjenden në sy. Pra të gjithë ata që mbajnë syze mund të ndihen pak më të sigurt se njerëzit e tjerë këtej e tutje, por kjo nuk do të thotë se nuk duhet t’I respektojnë masat. Distancimi dhe mbajtja e maskës janë faktorë kyç për t’u mbrojtur nga infektimi me koronavirus.
