Ditën e sotme, Ministria e Shëndetësisë raportoi për 66 raste të reja të infektuar me Covid-19 në vendin tonë në 24 orët e fundit.
Edhe në qytetin e Fierit janë shtuar rastet me koronavirus gjatë 24 orëve.
Tre rastet e reja në Fier janë pjesëtarë të një familjeje, kontakte të afërta të gruas së moshuar nga Peshtani që tashmë ndodhet në Infektiv, e shtruar më parë në QSUT.
Mësohet se bashkëshorti i të moshuarës, djali dhe vajza që i shërbente janë infektuar po ashtu me Covid-19.
Të tre rastet aktualisht ndodhen të karantinuar në shtëpitë e tyre.
Në spitalin infektiv janë shtuar edhe shtrimet e të prekurve dhe situata nuk është aspak e mirë, ndaj edhe Ministria e Shëndetësisë bën apel që të respektohet distancimi social por edhe të mërren masa mbrojtëse në ambientet e mbyllura ku ka të pranishëm shumë persona.
