Pak minuta më parë Grupi Parlamentar i PD shkarkoi si kryetare Rudina Hajdarin, duke e zëvendësuar me Murrizin.
Pas shkarkimit, Hajdari ka mbajtur fjalën në foltoren e kuvendit ku ka goditur dy partite politike kryesore në vendin tonë.
Ajo ka thënë se quhet Rudina Azem Hajdari dhe se kurrë nuk do të bëhet pjesë e pazareve të politikës në vendin tonë.
“Nuk bëhem kurrë pjesë e pazareve në këtë parlament. Politika këtu bëhet me pazare.
Politika është për t’i dhënë shpresë popullit. Duhet të ndryshojmë sistemin zgjedhor. Në këtë parlament duhet të vijnë njerëz që përfaqësojnë popullin.
Duhet të marrë fund mënyra e shpifur që ne i shkelim syrin njëri-tjetrit. Unë nuk do jem kurrë mashtruese kurrë në këtë vend.
Skena politike sot është shndërruar me këta politikanë që kanë pas vetes një të fortë, një narkobiznesmen, e ka edhe nga ata që duan një llokmë të kësaj gjëje. U
në s’bëhem kurrë pjesë e kësaj opozite, e këtyre pazareve. më kanë thënë, Rudin kështu bëhet politika me pazare. Jo mor jo, politika nuk bëhet me pazare.
Është e rëndësishme që ky parlament të ketë njerëz që përfaqësojnë. Të mbarojë njëherë e mirë kjo mënyrë e shpifur. Unë s’do të jem kurrë mashtruese.
Unë s’do të dal kurrë mashtruese dhe me shumë para. Edhe pse do të kem shumë shkopinj nën rrota dhe njerëz që do të më luftojnë, por ama dijeni mirë, se shqiptarët do ngrejnë sytë dhe do më shohin.
Do të jem kjo që jam edhe pse do kem shumë shkopinj ndër rrota që do më luftojnë. Unë quhem Rudina Azem Hajdari dhe sdo jem pjesë e juaja”, e ka mbyllur fjalën e saj Hajdari.
