Pasi ish-Kryeministri Sali Berisha deklaroi nga Selia blu se do t’ia dërgojnë me shkrim Bashës shkarkimin e tij, Lulzim Basha ka dalë menjëherë në konferencë për mediat. Nga selia blu gjatë konferencës, Basha u pyet nëse ka ndonjë informacion që kryeministri Edi Rama do të shpallet non-grata së shpejti, siç kishte deklaruar pak kohë më parë. Ajo që bëri përshtypje ishte përgjigja e Bashës, i cili u shpreh se nuk ka ndonjë informacion për këtë gjë.
Pyetje: Keni thënë se Rama do shpallet non-grata? Pse dëshironi të bashkëpunoni me të nëse do shpallet non-grata?
Basha: Nuk kam asnjë informacion, por Edi Rama dhe shumë të tjerë meritojnë të shpallen non-grata. Nuk ka dyshim. Po sillet si dikush që ka frikë se nga momenti në moment do shpalelt non-grata. Prandaj është dhe në krah të dikujt të shpallur non-grata si Tom Doshi dhe dikujt tjetëer që deri dje pretendonte që është përballë Edi Ramës. Misioni ynë s’ka të bëjë as me Ramën dhe as me Berishën. T’i rikthehet pushteti qytetarëve përmes një sistemi të lirë zgjedhor. Deri tani e kemi parë te Edi Rama, bashkëpunim të hapur me kriminelët dhe sot e pamë te Sali Berisha që solli njerëz të dënuar për trafik dorge. Ne kemi zgjedhur të ardhmen. Kjo do të thotë veting i politikanëve. Vetëm kjo mënyrë sjell qeveri që kthen normalitetin.