Dy ditë më parë Fieri u trondit nga grabitja dhe vrasja e 8-vjeçarit Mateo Vasiu nga Klodian Çalamani.
Momente tensioni janë shënuar në gjykatën e Fierit, ku do jepet dënimi për autorin e vrasjes makabre Klodian Çalamanin.
Qytetarët kanë akuzuar pushtetin vendor që nuk ka vepruar siç duhet sipas tyre.
“Po të ishte punuar kriminelët do të ishin identifikuar. Por pushteti vendor nuk ka punuar”, ka thënë një qytetarë.
Ndërsa një tjetër familjar, prind i një fëmijë 8-vjeç mes lotësh ka kërkuar që policia të largohet dhe të lejojë që drejtësia të vendoset nga familjarët.
Ai është shprehur se policia duhet të largohet dhe t’ia lërë në dorë popullit. Ndër të tjera shtoi se autori duhet të ishte ekzekutuar që mbrëmjen e djeshme dhe se tashmë nuk lënë të futetet në gjykatë as autori i viktimës, gjë që e konsideron të padrejtë.
“Do t’i lutesha policisë të rrinin pak më lirë dhe e dinim ne se çfarë bënim me të. Një djalë e kam 8-vjeç, në moshën e Mateso. Sot ta lejë në dorë të popullit dhe e rregullojmë ne. Policia të largohet. Duhet ta kishte ekzekutuar që mbrëmë. Shikoni tani, policia nuk lejon babain të futet brenda”, është shprehur një nga familjarët e pranishëm aty.
Ndërkohë familjarët dyshojnë se Çalamani mund të jetë në Gjykatë.
