Një ngjarje e rëndë ka ndodhur në orët e para të mëngjesit këtë të premte në Shkodër ku në lagjen Rus, është ekzekutuar me armë zjarri një person, dhe një tjetër ka mbetur i plagosur.
Burime bëjnë me dije se viktima është shtetasi Naim Bajri.
Mësohet se rreth 20 vite më parë, Naim Bajrit i kanë vrarë edhe djalin, Endritin.
Bëhet fjalë për një ngjarje të ndodhur në 21.10.2001, ku shtetasi, Xh.Shega, në bashkëpunim me shtetasit Ilmir Hajdari dhe Kujtim Barbullushi, kanë vrarë me armë zjarri shtetasin Endrit Naim Bajri.
Përplasjet mes fiseve kanë vijuar dhe me ekzekutime të tjera.
Ekzekutimi i sotëm ka ndodhur në afërsi të markatës së peshkut, ndërkohë që ende nuk dihet identiteti i personit të plagosur.
Disa minuta pas vrasjes në markatë, makina që dyshohet se është përdorur nga autorët, është gjetur e djegur në afërsi të Bypasit të Shkodrës.
Policia ka ngritur disa pika kontrolli në qytetin e Shkodrës me qëllim kapjen e autorit.
Bajri, punonte si shitës peshku pranë markatës së Rusit.
Në momentin e ngjarjes, ai ka qenë duke pirë kafe me një punonjësin e tij, i cili ka mbetur i plagosur. Dy burrat kanë qëlluar nga një automjet, 10 herë dhe për pasojë Bajri ka mbetur i vdekur në vend. Plumbat kanë kapur edhe një person tjetër i cili mbeti i plagosur.
