Është qëllkuar me armë zjarri në drejtim të një banese në Kurbin, Në njoftimin e policisë, bëhet me dije se ngjarja ka ndodhur këtë mbrëmje, rreth orës 19:00, në lagjen “Demokracia”, Mamurras. Mësohet se gjithçka ka nisur si një konflikt mes tre të rinjve. Dy prej tyre, kanë shkuar në banesën e të tretit dhe kanë qëlluar me armë zjarri. Më pas janë larguar nga vendngjarja. Policia i ka shpallur në kërkim.
Bëhet me dije se Paulor Noka dhe Romario Gjoni janë dy personat e shpallur në kërkim pasi kanë qëlluar me armë zjarri në drejtim të shtëpisë së një personi tjetër, të identifikuar si Shtjefën Ndreka.
Njoftimi:
Rreth orës 19:00, në lagjen “Demokracia”, Mamurras, pas një konflikti të çastit për motive të dobëta, shtetasit P. N. dhe R. Gj., banues në Mamurras, kanë kanosur shtetasin Sh.N., duke qëlluar me armë zjarri në drejtim të banesës së tij. Me marrjen e njoftimit, shërbimet e Policisë Kurbin kanë mbërritur menjëherë në vendngjarje. Në mbështetje të tyre kanë shkuar edhe Forcat Operacionale të DVP Lezhë dhe FNSH Shkodër. Janë ngritur pika kontrolli, si dhe vijon kontrolli i zonës, me qëllim lokalizimin dhe kapjen e autorëve të dyshuar. Grupi hetimor, nën drejtimin e Prokurorisë, vijon veprimet hetimore në vendin e ngjarjes, me qëllim zbardhjen e plotë dhe dokumentimin ligjor të ngjarjes.
