Një ngjarje e rëndë raportohet nga qyteti i Vlorës, saktësisht në lagjen “1 Maj”. Mësohet se një grua ka mbajtur të vdekur në banesë burrin e saj prej disa ditësh.
Bëhet fjalë për shtetasen Valentina Prenga, për të cilën dyshohet se ka probleme mendore.
Kanë qenë banorët e lagjes ata që kanë njoftuar policinë. Efektivët kanë tentuar të futen në banesën e gruas, por ajo nuk u ka hapur derën, duke detyruar ata të thyenin derën.
Pas hyrjes me forcë në banesën e Prengas, uniformat blu kanë konstatuar trupin e pajetë të shtetasit Llazar Prenga. Në videon e publikuar shihet se viktima është nxjerrë me barrelë nga ambientet e pallatit, për tu dërguar më pas në morg.
Sipas informacioneve të ardhura nga policia, një nga pistat e ngjarjes është edhe vrasja, pasi Valbona Prenga është me probleme mendore.
Ndërkohë, pritet që trupit të viktimës t’i bëhet autopsia për të zbuluar të vërtetën.
Kujtojmë se sot ndodhi një tjetër ngjarje e rëndë. Një 54-vjeçar ka humbur jetën në Tiranë pasi ra nga kati i katërt ku jetonte. Policia bën me dije se ngjarja ka ndodhur në orët e vona të mbrëmjes së kaluar në rrugën ‘’Grigor Heba’’.
Dyshimet e para janë se 54-vjeçari është rrëzuar për shkak të bordurës. Efektivët e polikcisë kanë mbërritur në vendngjarje dhe po punohet për zbardhjen e e plotë shkaqeve të ngjarjes.
