Një ngjarje e rëndë është regjistruar në Tiranë. Bëhet e ditur se në bodrumin e një pallati në Yzberisht është gjetur e braktisur një foshnjë e sapolindur.
Raportohet se foshnja është gjallë dhe është transportuar në spital. Ndërkohë që Policia po heton rrethanat e ngjarjes së rëndë.
NJOFTIMI I POLICISË
Më datë 08.11.2023, në bodrumin e një pallati në Yzberisht, është gjetur e braktisur një foshnjë e sapolindur.
Shërbimet e Policisë i kanë ofruar menjëherë ndihmën e parë foshnjës, e cila është transportuar me automjetin e Policisë, së bashku me stafin mjekësor, në spital. Grupi hetimor po punon për sqarimin e rrethanave të ngjarjes.
