Një ngjarje e rëndë ka ndodhur në qytetin e Tiranës paraditen e sotme, në zonën e Institutit.
Sipas njoftimit të policisë, një 30-vjeçar me iniciale P. S., është vetë hedhur nga Ura e Institutit.
I riu ndodhet jashtë rrezikut për jetën, por ka thyer këmbët gjatë hedhjes nga ura dhe më pas është transportuar me urgjencë për në spital.
Dyshohet se 30-vjeçari P.S., ka qenë në gjendje të rënduar psikologjike kur ka ndërmarrë këtë veprim, që mund të kishte rezultuar fatal për jetën e tij.
Ngjarjen e kanë parë disa kalimtarë të rastit, të cilët kanë shkuar menjëherë në ndihmë të të riut.
Për shkak të rënies nga lartësia 30-vjeçari P.S. ka thyer të dyja këmbët.
Kalimtarët kanë njoftuar menjëherë ambulancën e cila pas mbërritjes i ka dhën ndihmën e parë të riut.
Ndërkohë grupi hetimor dhe shërbimet e Policisë ndodhen në vendngjarje dhe po punojnë për sqarimin e rrethanave të ngjarjes.
Njoftimi i policisë:
Tiranë/Informacion paraprak
Me datë 23.12.2020, rreth orës 12:30; dyshohet se në gjendje të rënduar psikologjike, është vetëhedhur nga ura e Institutit, shtetasi P.S., 30 vjeç, i cili u dërgua menjëherë në spital, dhe ndodhet nën kujdesin e mjekëve.
Grupi hetimor dhe sherbimet e Policisë ndodhen në vendngjarje dhe po punojnë për sqarimin e rrethanave të ngjarjes./Gazetareforma.com/
