Një foshnje e sapolindur ka ndërruar jetë pak minuta pas mesnatës së sotme në kryeqytet. Mësohet se foshnja ishte në maternitet dhe i ishte përkeqësuar shëndeti, por nuk ka informacione më të detajuara. “Më datë 28.07.2021, rreth orës 00:40, në maternitet, një foshnje e porsalindur dyshohet se si pasojë e përkeqësimit të shëndetit ka ndërruar jetë. Grupi hetimor vijon punën me veprimet për përcaktimin e shkakut të vdekjes dhe dokumentimin e plotë të ngjarjes.”, thuhet në njoftimin zyrtar të bërë publik nga policia.
Menjëherë pas marrjes së informacionit Prokuroria dhe grupi hetimor janë vendosur në lëvizje dhe po punojnë për të përcaktuar shkakun e vdekjes së foshnjës dhe për të dokumentuar ngjarjen.
Sipas “Ballkanweb”, babai pretendon se foshnjes nuk i është dhënë kujdesi i duhur.
Gjithashtu mësohet se 26-vjeçari me inicialet A.Z,i ati i foshnjes i është drejtuar autoriteteve për këtë ngjarje të rëndë.
Njoftimi i plotë nga Policia e Shtetit
Paraprake: Më datë 28.07.2021, rreth orës 00:40, në maternitet, një foshnje e porsalindur dyshohet se si pasojë e përkeqësimit të shëndetit ka ndërruar jetë. Grupi hetimor vijon punën me veprimet për përcaktimin e shkakut të vdekjes dhe dokumentimin e plotë të ngjarjes.
Materialet i kaluan Prokurorisë së Rrethit Gjyqësor Tiranë, për veprime të mëtejshme
