Një 54-vjeçar ka humbur jetën në Tiranë pasi ra nga kati i katërt ku jetonte. Policia bën me dije se ngjarja ka ndodhur në orët e vona të mbrëmjes së kaluar në rrugën ‘’Grigor Heba’’.
“Më datë 18.03.2021, rreth orës 23:30, në rrugën “Grigor Heba” ka rënë nga ballkoni i banesës ku jetonte shtetasi A. N., 54 vjeç, i cili si pasojë e plagëve të marra ka ndërruar jetë.”, thuhet në njoftimin paraprak të policisë.
Dyshimet e para janë se 54-vjeçari është rrëzuar për shkak të bordurës. Efektivët e polikcisë kanë mbërritur në vendngjarje dhe po punohet për zbardhjen e e plotë shkaqeve të ngjarjes.
Kujtojmë se një tjetër vdekje ka ndodhur dy ditë më parë. Bëhet fjalë për vrasjen tragjike të nënës së re 27 vjeçare nga Fieri. Viktima u vra në sy të familjarëve me thikë nga bashkëshorti i saj 29 vjeçar.
NJOFTIMI NGA POLICIA
Tiranë
Më datë 18.03.2021, rreth orës 23:30, në rrugën “Grigor Heba” ka rënë nga ballkoni i banesës ku jetonte shtetasi A. N., 54 vjeç, i cili si pasojë e plagëve të marra ka ndërruar jetë.
Nga veprimet e kryera dhe pyetja e dëshmitareve, dyshohet se është rrëzuar aksidentalisht nga bordura e katit të katërt.
Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.
