Një ngjarje e rëndë është shënuar ditën e sotme në kryeqytet, ku një 29-vjeçar ka tentuar të vetëdigjet. Mësohet se 29-vjeçari me inicialet A.M., ka tentuar të vetëdigjet me benzinë ditën e sotme në zonën e ish-Nisharakut në kryeqytet.” Rreth orës 10:00, tek Ish-Nisharaku, dyshohet se kushte të rënduara psikologjike, ka tentuar të vetëdigjet me benzinë, shtetasi A. M., 29 vjeç, i cili është dërguar menjëherë në spital, dhe ndodhet nën kujdesin e mjekëve.”, thuhet në njoftimin e policisë.
Sipas burimeve zyrtare nga policia, i riu ka qenë në kushte të rënduara psikologjike dhe është përpjekur për t’i vënë flakën vetes me benzinë. Burime nga vendi i ngjarjes bëjnë me dije se i riu ika hedhur shishen e benzinës vetes dhe më pas i ka vënë flakën, kanë qenë qytetarët ata që kanë ndërhyrë duke i hedhur ujë dhe një batanije dhe më pas kanë lajmëruara ambulancën.
Ai është dërguar menjëherë në spital ku ndodhet në kujdesin e mjekëve. Ndërkohë grupi hetimor po punon për të hetuar shkaqet.
Njoftimi i Policisë
Rreth orës 10:00, tek Ish-Nisharaku, dyshohet se kushte të rënduara psikologjike, ka tentuar të vetëdigjet me benzinë, shtetasi A. M., 29 vjeç, i cili është dërguar menjëherë në spital, dhe ndodhet nën kujdesin e mjekëve.
Grupi hetimor po punon për sqarimin e rrethanave të ngjarjes.
