Një aksident tragjik ka ndodhur në New Orleans, ku një automjet është përplasur me një turmë të madhe në Canal dhe Bourbon Street, duke shkaktuar vdekjen e 12 personave dhe plagosjen e 30 të tjerëve.
Njerëzit e plagosur janë transportuar menjëherë në spital, ndërsa autoritetet e sigurisë janë në vendngjarje dhe po punojnë për të zbardhur rrethanat e ngjarjes.
Raportohet se një kamion ka përplasur turmën me shpejtësi të madhe dhe më pas sulmuesi ka dalë nga mjeti dhe ka filluar të qëllojë me armë.
Sulmuesi është identifikuar si një individ me eksplozivë të bërë vetë, teksa ka shkëmbyer zjarr edhe me policinë.
Policia është angazhuar për të zbardhur të gjitha rrethanat e ngjarjes dhe për të siguruar drejtësinë, ndërsa autoritetet ende nuk kanë nxjerrë detaje për identitetin e sulmuesit.
