Një i ri 21-vjeçar nga Rrogozhina, është gjetur pasditen në sotme në rrugë i pajetë dhe në rrethana ende të paqarta.
Bëhet me dije se i riu me inicialet R.N, u transportua me urgjencë drejt Spitalit të Durrësit, ku dhe u deklarua zyrtarisht i pajetë.
Sipas dëshmitarëve, 21-vjeçari u gjet i pajetë në rrugë në fshatin Karinë të Rrogozhinës nga kalimtarët, të cilët njoftuan menjëherë ambulancën e Rrogozhinës. Më pas i riu është transportuar drejt Spitalit Rajonal të Durrësit.
Ende nuk dihen shkaqet e vdekjes, ndërsa trupi i të riu ndodhet ende në morg, ku pritet edhe ekspertiza mjeko-ligjore. Dyshimet e para janë për vetë-helmim./Gazetareforma.com/
