Një ngjarje e rëndë ka ndodhur në Mamurras, ku raportohet se një 82-vjeçare është gjetur pa shenja jete. Dyshohet se e moshuara ka rënë aksidentalisht në një kanal pranë banesës së saj dhe si rrjedhojë ka humbur jetën. Në njoftimin e policisë bëhet e ditur se e moshuara ishte ishte deklaruar e humbur më datë 11.08.2023 nga familjarët e saj.
“Rreth orës 14:30, në një kanal në afërsi të banesës së saj, në Mamurras është gjetur pa shenja jete, shtetasja G. L., 82 vjeçe. Nga këqyrja e trupit të 82-vjeçares, nuk janë konstatuar shenja dhune. Paraprakisht dyshohet se shtetasja G. L. është rrëzuar aksidentalisht në këtë kanal dhe për këtë shkak, ka humbur jetën. Kjo shtetase, më datë 11.08.2023, është deklaruar e humbur, nga familjarët e saj. Grupi hetimor vijon veprimet për zbardhjen e plotë të rrethanave të kësaj ngjarjeje”, bën të ditur policia.
