Dy qytetarë janë dhunuar ditën e sotme në një qendër votimi në fshatin Vashmi të Bashkisë së Maliqit. Sipas informacioneve, një burrë dhe një grua janë dhunuar me karrige dhe sende të forta në kokë nga një vëzhgues i Partisë Demokratike, duke shkaktuar gjakosjen e çiftit të bashkëshortëve.
Mësohet se çifti u dërguan në spital pasi kanë marrë dëmtime në kokë dhe ndodhen jashtë rrezikut.
Duke folur për mediat, i dhunuari tha se e gjitha ndodhi për shkak se anëtarët e Qendrës së Votimit nuk kanë lejuar nënën e tij të votojë.
Çfarë ndodhi?
I dhunuari: Ata të qendrës na dhunuan, arsyeja për nënën do votonte nëna e nuk e lejuan në moment e shtynë plakun e goditën edhe mua, autorët janë djemtë e kryeplakut. Me karrige me sende të forta
Kujtojmë se ditën e sotme po zhvillohen zgjedhjet Parlamentare në vendin tonë. Në garë janë parti të shumta të cilat do të përfaqësojnë qytetarët në parlament. Procesi i votimit ka nisur në orën 07:00 dhe vazhdon ende. Nga të dhënat paraprake numri i votuesve deri në këtë orë në rang qarku është 38.8 %. Gjithashtu janë shënuar incidente të shumta ku ka pasur edhe të lënduar si rasti në Korçë. Dy qytett me risk të madh për incidente mbeten Elbasani dhe Durrësi.
“Shqipëria mbetet peng nga oligarkët”/ Protesta në Rrjoll vazhdon me dhunë fizike ndaj banorëve, heshtje nga Rama e Berisha për Ulajn
Protesta kundër resortit “Blu Borgo” të Bashkim Ulajt në Rrjoll të Velipojës vijon mes tensioneve me Policinë, ndërsa çështja po...
