Një ngjarje e rëndë ka ndodhur në fshatin Bajzë të Malësisë së Madhe. Një njoftim i policisë bënë të ditur se një grua është gjetur ne banesen e saj pa shenja jete. Mësohet se gruaja është gjetur nga familjarët e saj dhe nga konstatimet e para vërehet se ndaj saj është ushtruar dhunë. Ajo gjithashtu ka pasur edhe një të prerë në fyt.Bëhet me dije se gruaja që është gjetur e vdekur është 47-vjeçarja me iniciale V.G.
Mësohet se trupi është dërguar në morgun e qytetit për të kryer ekspertizën e specializuar për të zbuluar shkakun e vdekjes. Ndërkohë, grupi hetimor po punon per të zbardhur ne menyre te plotë të rrethanat e ngjarjes së rëndë.
Njoftimi i plote i policisë:
Në fshatin Bajzë të Malësisë së Madhe, në banesë, është gjetur nga familjarët, pa shenja jete, shtetasja V. G. 47 vjeçe.Në vendngjarje ka shkuar grupi hetimor dhe nga këqyrja paraprake dyshohet se ndaj shtetases V. G. mund të jetë ushtruar dhunë dhe për pasojë ajo ka humbur jetën.Trupi është dërguar në morgun e spitalit, për ekspertizë më të specializuar, me qëllim përcaktimin e shkakut të humbjes së jetës.Nën drejtimin e Prokurorisë vijon puna për zbardhjen e plotë të rrethanave të ngjarjes.
