Një ngjarje e rëndë ka ndodhur në Kosovë ditën e sotme. Një 33-vjeçare ka humbur jetën në fshatin Vragoli, Fushë Kosovë, rreth orës 12:00. Nga mediat kosovare mësohet se vdekja ka qenë e dhunshme dhe se 33-vjeçarja mund të jetë mbytur nga motra e saj.
Për ngjarjen ka folur edhe Zëdhënësi i policisë për rajonin e Prishtinës, Agron Borovci Ai la thënë se policia është lajmëruar për një vdekje të dyshimtë dhe ka shkuar menjëherë në vendngjarje.
“Rreth orës 12:00, kemi pranuar informatën për një rast vdekje e dyshimtë, në fshatin Vragoli të Fushë Kosovës. Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës femër 33 vjeç”, ka thënë Borovci.
Më tej ai ka bërë më dije se nga të dhënat fillestare të gjetura në vendngjarje, mund të bëhet fjalë për një vdekje të dhunshme.
Mbështetur në të dhënat fillestare të këqyrjes së vendit të ngjarjes përkundër që ka elemente që sugjerojnë për një vdekje të dhunshme, policia me kujdes të shtuar po heton rastin si vdekje të dyshimtë dhe po ndërmerr të gjitha veprimet e duhura hetimore dhe ato forenzike – të ekzaminimit që do të ndihmonin hetimin e ngjarjes si dhe sqarimin dhe ndriçimin e plotë të rastit”, ka deklaruar Borovci.
