Një ngjarje e rëndë ka ndodhur sonte në rajonin e Dukagjinit pasi ka pasur gjuajte me armë në drejtim të autobusit me nxënës që po shkonte në fshatin Gllogjan nga Komuna e Deçanit.
Sipas mediave kosovare në këtë autobus si pasojë e të shtënave tre persona kanë vdekur, shoferi i automjetit dhe dy nxënës, kurse ka edhe të plagosur. Nje prej tyre ka vdekur në spital, ndërsa shoferi i autobusit në vendin e ngjarjes.
Personat e vdekur gjatë sulmit janë: Gani Gjokaj i cili ishte shoferi i autobusit, Ledion Hamzaj dhe Gentiana Mustafaj.
Ngjarja ka ndodhur rreth orës 19:00, ku policia është vendosur në dijeni se ka pasur të shtëna me armë zjarri në drejtim të një autobusi.
Ndërkohë forcat e policisë ndodhen në vendngjarje duke hetuar rastin.
“Rreth orës 19:00, Policia është njoftuar se në fshatin Gllogjan ka pasur të shtëna me armë zjarri në drejtim të një autobusi. Me këtë rast, Policia është në dijeni se dy persona kanë pësuar lëndime. Policia është në vend të ngjarjes dhe duke e hetuar rastin”, tha zëdhënësi i Policisë së Pejës, Fadil Gashi.
Ndërkaq perosnat e tjerë të plagosur që ishin në autobus janë drejtuar dërguar për të marrë shërbimin mjekësor të nevojshmëm në bazë të lëndimeve që kanë si pasojë e ngjarjes.
