Një ngjarje e rëndë është regjistruar në Kosovë, ku Nënkoloneli i Forcave të Sigurisë së Kosovës, S.H. është vetëvrarë me armë zjarri ditën e sotme. Lajmin e ka dhënë zëdhënësi i Policisë së Kosovës për rajonin e Mitrovicës, Avni Zahiti. Ai bëri me dije se Nënkoloneli është gjetur i veëtëplagosur me armë zjarri në një zonë malore në fshatin Zjaqë të Mitrovicës rreth orës 11:20.
“Sot rreth orës 11:20, policia ka marrë informacionin se në një zonë malore ne fshatin Zjaqë të Mitrovicës, një person ishte vetë plagosur me armë. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore”, tha Zahiti.
“Në vendin e ngjarjes i plagosur nga arma është hasë viktima S.H., 48 vjeçar, shtetas i Republikës së Kosovës, i cili është dërguar me emergjencë në Spitalin Rajonal të Mitrovicës, më pas është dërguar për tretman në QKUK. Në cilësi të provave materiale janë gjete dhe sekuestruar një armë e llojit Pistoletë dhe një gëzhojë. Ndërsa rreth orës 15:00, nga QKUK është raportuar se viktima S.H., ka vdekur. Me urdhër të prokurorit trupi i pajetë i viktimës është dërguar për obduksion në IML”, ka thënë më tej ai.
Puna ka nisur për zbardhjen e rrethanave të ngjarjes dhe po hetohet si vdekje e dyshimtë.
