Ditën e sotme në orët e para të mëngjesit në Kamëz, një aksident me makinë i ka marrë jetën 24 vjeçarit me inicialet D.P.
Raportohet se makina ka dalë nga rruga dhe si pasojë shoferi i ri ka ndërruar jetë në vend, ndërsa ka mbetur i plagosur pasagjeri 61-vjeç.
Policia dhe grupi hetimor ndodhen në vendngjarje, teksa po punohet për zbardhjen e plotë të rrethanave të aksidentit të rëndë.
Njoftimi i Policisë:
Tiranë/Informacion paraprak
Më datë 13.03.2022, rreth orëve të para të mëngjesit, në Kamzë, shtetasi D. P., 24 vjeç, duke drejtuar mjetin e tij, dyshohet se ka humbur kontrollin mbi drejtimin e mjetit dhe ka dalë nga rruga.
Si pasojë e aksidentit ka humbur jetën drejtuesi i mjetit, shtetasi D. P., dhe është dëmtuar pasagjeri, shtetasi F. P., 61 vjeç.
Grupi hetimor ndodhet në vendngjarje dhe po punon për sqarimin e rrethanave të aksidentit.
Kujtojmë se në muajin Janar 2022 numërohen 107 aksidente rrugore nga 125 aksidente të ndodhura në muajin Janar 2021, duke u ulur me 14,4 %, krahasuar me të njëjtën periudhë të një viti më parë.
Referuar të dhënave zyrtare të policisë, në 217 aksidente 26 persona janë plagosur rëndë dhe 237 të tjerë kanë marrë plagë më të lehta. Në pjesën më të madhe të ngjarjeve, shkak i aksidentit ka qenë sjellja e drejtuesit të mjetit. Kryesisht, aksidentet janë kryer nga grup-mosha 25–34 vjeç.
